Dyma gyfle cyffrous i chwarae eich rhan yn y gwaith o drawsnewid un o amgueddfeydd mwyaf poblogaidd Amgueddfa Cymru. Bydd Prosiect Ailddatblygu Amgueddfa Lechi Cymru yn gwarchod, yn gwella ac yn dehongli safle eithriadol yr Amgueddfa Lechi, ac yn creu canolfan Treftadaeth y Byd UNESCO sy’n cefnogi sgiliau, dysgu a lles traddodiadol. 

Bydd y prosiect yn cynnwys ac yn ysbrydoli cymunedau ac ymwelwyr, gan gysylltu pobl â stori ryfeddol y diwydiant llechi a’r dirwedd y mae wedi’i ffurfio, sy’n arwyddocaol yn fyd-eang.

Bydd y prosiect hwn yn gweithio’n agos gyda phartneriaid gan gynnwys Cyngor Gwynedd, wrth i’r Cyngor gyflawni cynlluniau uchelgeisiol i ailddatblygu parc gwledig Parc Padarn o amgylch yr amgueddfa. Bydd y prosiect ailddatblygu yn integreiddio â datblygiadau ehangach fel rhan o weledigaeth ar gyfer twristiaeth gynaliadwy sy’n ystyried cymunedau lleol ac yn ymateb iddynt. 

Mae’r Amgueddfa’n chwilio am unigolyn brwdfrydig a threfnus i gefnogi’r gwaith o weinyddu’r prosiect drwy gefnogi dyletswyddau gweinyddol o ddydd i ddydd wrth gyflawni prosiect ailddatblygu Amgueddfa Lechi Cymru, gan gynnwys codi archebion prynu, cymryd cofnodion, ffeilio dogfennau a threfnu cyfarfodydd.

Prif Gyfrifoldebau:
 

• Codi a phrosesu archebion adrannol drwy’r System Ariannol NAV, a pharatoi anfonebau adrannol.
• Ymgymryd â dyletswyddau rheoli dyddiadur, cydlynu cyfarfodydd ac archebion grŵp, gan gysylltu â staff priodol yn ôl yr angen.
• Darparu cymorth ar gyfer cyfarfodydd ffrydiau gwaith y prosiect, helpu i baratoi agendâu, cymryd nodiadau mewn cyfarfodydd a chynhyrchu cofnodion.
• Goruchwylio a monitro prosesau gweinyddol, cynorthwyo a chysylltu â chyd-weithwyr yn yr amgueddfa i wella effeithlonrwydd.
• Cynnal a diweddaru ffeiliau a ffolderi’r adran.
• Rheoli archebion ar gyfer gweithgareddau allgymorth yn ystod y cyfnod o gau dros dro ar gyfer y prosiect ailddatblygu.
• Gwneud trefniadau teithio lle bo angen.
• Cydlynu’r gwaith o osod ystafelloedd ac arlwyo ar gyfer cyfarfodydd.

Cyfrifoldeb masnachol: mae pob aelod o staff yn gyfrifol am lwyddiant masnachol Amgueddfa Cymru. Yn benodol ar gyfer y swydd hon, bydd angen gwneud y canlynol:

• Sicrhau bod canllawiau caffael yn cael eu dilyn a sicrhau gwerth am arian wrth brynu nwyddau a gwasanaethau.

Mae sgiliau cyfathrebu ardderchog, ar lafar ac ar bapur, gyda’r gallu i gyfathrebu’n effeithiol â chleientiaid mewnol, staff a rhanddeiliaid allanol yn Gymraeg ac yn Saesneg yn hanfodol.

​​​​Mae hon yn swydd cyfnod penodol o 12 mis gyda'r phosibilrwydd o estyniad, yn gweithio 21 awr yr wythnos.

I drafod yn anffurfiol ac i gael copi o Friff yr Ymgeisydd, cysylltwch â thîm Penodi ar 07385 502078 neu helo@penodi.cymru, neu uwchlwythwch eich CV a llythyr eglrhaol isod i ymgeisio.

Dyddiad cau: 23 Ionawr 2025